– صوت أحمد قطليش-n- نص عفراء بيزوك-nشو بيخطر عبالك وأنت ساكت أغلب الوقت..!nوبعدين.. بتقول جملة واحدة قصيرة بتخليني أنا أرجع أسكت..!nالصمت مو قصة صغيرة.. الصمت تجربة كبيرة طلعت من مخاض ضجيج حياتي كبير.. يعني بالمختصر الصمت دليل عقلك وقلبك وأنت عم تغزل طريق خلاصك.. nبس أكتر شي بيستفزني أنو أغلب الأحيان ما بقدر قول كل شي دفعة واحدة بس تجي قريحة الحكي.. بكون مقررة قول.. وبس جرب أكتب.. ببطل قول..nـــ الفراشات التي ترقص للنهر.. بقصد الغواية.. تعرف تماماً أن النهر سبيل الغرق. nونحنا غرقنا من زمان.. بس مو بالنهر.. غرقنا بمستنقع قذر من كل الأفكار والمعتقدات وحتى الحريات والثورات والديكتاتوريات والأنظمة والأحزاب والمعارضة والمؤيدة.. وكل من لف لف هذه المصطلحات.. nأكيد الحرية مو مستنقع.. بس بتصير مستنقع وقت بتصير دكانة.. مووووو!nوهيك كل شي.. nالشي الوحيد اللي ما ممكن يتحول لدكانة بكل هالحياة.. هو الحب..nلك أي أي.. الحب هو قوس نجاتنا.. والمعتقد الوحيد اللي محافظ على وجوده بكل أبهته.. nبس ليك.. أنا عم احكي هون عن الحب الحقيقي.. مو الحب البلا بلا بلا بلابلا.. nالحب.. تبع زمان.. وقت كنا نمشي بالطريق وواحد يغمزلنا بعينو.. نضل شهر عم نرجف كلما تذكرنا هالغمزة.. لك نحلم بهالغمزة متل شي ممر كل شجر وورد هو طريق الجنة.. nوما رح قلك عن حب تبع اليوم البلا بلا بلا بلا بلا.. nالحب.. الشي الوحيد اللي عم يتقلص بيننا كلنا.. لأنو هو الوحيد الحقيقي.. nوالحب.. هو الوحيد اللي مخلاني ناطرة وصابرة واسمع موسيقى وغني وارقص واكتب حب.. لولاه كنت متت من زمان.. أي.. أنو شو بيخلي البني آدم متحمل كل هالحمولات اللي ع كتافه لولا شي حلو وناعم ورقيق عم يتسند عليه ليكفي شوية وقت من عمره.. nوهلأ خلينا نرجع لصمتنا.. صمتنا اللي بيقول كل شي عنا… اللي بيحكي حكاياتنا.. صمتنا اللي بيغزل حرير أفكارنا ومواويل تعبنا.. صمتنا اللي بيحفر فينا الكتير من الحكمة.. والحق.. nبتحب ترقص..!nأنا بحب أرقص.. كلما زادت حمولة الصمت.. وحمولة الصرخة اللي ما بدها تطلع لسى..nبس أكيد رح تطلع هالصرخة شي يوم… على شكل غنية كلها ورد وحب.. وحياة.. nوهيك بس.. هالأد..