صوت صابرين شواهنة وأحمد قطليشnشعر أحمد قطليشnnمن كتر ما دبل الحكي ووطحلب نمي ع شفاه. nبيطلع ع بالي إلمحك تا تطلع الكلمة ورا الكلمة بحبق انخلق من طلعتك.nوييجي ع بالي ضيعك . ليصير هالطحلب شجر ويظللك لما عبالك تتكي.nnكل ما بضيّع طلعتك بفرش زغب بالعتم وانطر تا تجي..nشو هالعتِّم..nطلي تيضحك هالعتم بنجوم.nوعدّ الشغف تا نام!nنجمة ورا نجمة تلملم ضحكتكnما بنام!nلولا تجي!… لولا ترجع الضمّة nاقطف غمامة تستّر غرقتي بشعرك.nتستر ربكتي كل ما لمحت على عنقك غفي…nوشم الحكي منك..nوارجع ضيّعك.nnبالغيب؛ انتِnما اذكرك لحظة ورا لحظة.nلكن إذا ما بذكرك لحظةnبيطلع عبالي نبيدnوكنكن عليكي وعتقك فييnيمكن شي مرّة تغرقي فييnونتوه من قارب خشب تحنن عليه الموج.nعالسكت … كل ما إجي تا قبلك تتمرجح الموجة!nما ألأمه هالبحر!nnكيف الحكي رح ينختم..nما بينختم..nما بكتفي… كل ما تروحي وتختفي..nما بتختفيnnn______nغافي الحكي بيناتنا وصاحي الغيابnلو شي طريق يضيعك تانلتقيnما بنلتقي الا بضياعnnيضوي الرصيف بخطوتي تا ينولد ظلكnويمتد لعيونيnوشو تاهت عيوني انا تتجدلكnشو ضيعك قليnnأشرد انا بالليل والنجمةnشو باردة النجمة إذا انتا نمت nشو دافية النجمة إذا مرئت عليها نظرتك وبمية عيونك ضوت وتعمدتnشو غربك قليnوتجويف صدرك ما امتلى من لم ترك راسيnمن لم دبل شعري براسي وجف … nشو غربا ايدكnشو غربك قليnوكلما يجي طيفك تا يروح من روحيnترجع على بابي حكاية الدقة.nتجي وتدق تقلي انا روحكnتقلي اشتقتليnوارجع انا لراس السطرnشو رجعك قلي